Beartas Príobháideachta

Cosaint Sonraí

Tá an Roinn Dlí agus Cirt, Gnóthaí Baile agus Imirce (DOJ) tiomanta do chearta agus príobháideacht gach duine aonair a chosaint i gcomhréir le Rialachán Ginearálta maidir le Cosaint Sonraí an AE, 2016/679 (GDPR) mar a thugtar éifeacht bhreise dó i gCuid 3 den Acht um Chosaint Sonraí 2018.

Leagann Beartas Cosanta Sonraí na Roinne amach conas a dhéanann an DOJ sonraí pearsanta a dhaingniú agus a bhainistiú de réir Phrionsabail GDPR. Is féidir é a fheiceáil ach cliceáil ar an nasc seo a leanas – Beartas Cosanta Sonraí na Roinne Dlí agus Cirt . Míníonn an Polasaí freisin conas is féidir leat rochtain a iarraidh ar do shonraí pearsanta.

Is í Ms Tara Storey an tOifigeach Cosanta Sonraí don Roinn Dlí agus Cirt, Gnóthaí Baile agus Imirce.

Ba chóir aon cheisteanna faoi chosaint sonraí a bhaineann le sonraí pearsanta atá i seilbh Oifig an Scrúdaitheora Neamhspleáigh ar Reachtaíocht Slándála a dhíriú chuig Oifig Tacaíochta agus Comhlíontachta um Chosaint Sonraí (DPSCO) na Roinne. Is féidir teagmháil a dhéanamh leis an DSPCO ar an nguthán ar 01-6028601 nó trí ríomhphost chuig [email protected] .

Ráiteas Príobháideachta an tSuímh Ghréasáin

Mínítear sa ráiteas príobháideachta seo conas a bhailíonn agus a úsáideann an Oifig um Chosaint Idirnáisiúnta faisnéis fút, bunaithe ar do chuairteanna ar an suíomh Gréasáin seo. Tá sé de cheart agat freisin faisnéis a fháil fút a choinníonn an Oifig um Chosaint Idirnáisiúnta. Mínítear é seo inár mBeartas um Chosaint Sonraí a bhfuil tagairt dó thuas.

Conas a bhailímid agus a úsáidimid faisnéis phearsanta
Ní bhailíonn an Oifig um Chosaint Idirnáisiúnta aon fhaisnéis phearsanta fút ar an suíomh Gréasáin seo, ach amháin an fhaisnéis a thugann tú go deonach trí ríomhphost a sheoladh chugainn nó trí ár bhfoirm aiseolais ar líne a chomhlánú.

Baileofar, úsáidfear agus stórálfar d’fhaisnéis phearsanta, a chuirtear isteach ar an mbealach seo, chun freagra a thabhairt ar d’iarratas nó chun aghaidh a thabhairt ar ábhar do ríomhphoist ar bhealach eile. Féadfar é a úsáid freisin chun staidreamh a thiomsú.

Ní bhainfear úsáid as d’fhaisnéis phearsanta chun aon chríche eile agus ní scaoilfear d’aon tríú páirtí í.

Teacht ar Do Shonraí Pearsanta – Iarratas Rochtana Ábhar

I measc na gceart a thugtar faoin GDPR do 'ábhair sonraí' tá an ceart cóip dá sonraí pearsanta atá á bpróiseáil ag Oifig an Scrúdaitheora Neamhspleáigh ar Reachtaíocht Slándála a fháil. Chun go mbeidh an Roinn in ann na sonraí pearsanta atá á lorg a aithint agus a aimsiú, ba cheart duit ár bhFoirm Iarratais ar Rochtain ar Ábhair (SAR) a chomhlánú agus a sheoladh ar ais, ag cinntiú go soláthraíonn tú, a mhéid is féidir, sonraí faoi d'idirghníomhaíocht lenár nOifigí agus Ranna éagsúla, chomh maith le haon aitheantóirí sonracha (e.g. aon seoltaí roimhe seo, dáta breithe, uimhir thagartha ó theagmháil roimhe seo leis an Roinn etc.).

Ina theannta sin, toisc go gcaithfimid céannacht aon duine a dhéanann Iarratas Rochtana Ábhar a fhíorú, beidh ort cineálacha sainaitheantais sainaitheanta a sholáthar dúinn (sonraí san fhoirm SAR). Freagrófar d’Iarratas Rochtana Ábhar laistigh de mhí amháin ón dáta a bhfaightear é nó, i gcás go mbíonn deacracht ann maidir le d’aitheantas a fhíorú, laistigh de mhí amháin ón bhfíorú céannachta.

Chun Iarratas Rochtana Ábhair a dhéanamh, líon isteach an fhoirm seo Foirm Iarratais Rochtana Ábhair na Roinne Dlí agus Cirt, Gnóthaí Baile agus Imirce (MSWord) agus seol ar ais í trí ríomhphost chuig [email protected] nó mar mhalairt air sin, tríd an bpost chuig:

An Oifig Tacaíochta agus Comhlíonta um Chosaint Sonraí
An Roinn Dlí agus Cirt
51 Faiche Stiabhna
Baile Átha Cliath 2
D02 HK52.